АНУ-ын Цэргийн хүчин "Эрх чөлөө төсөл" гэж нэрлэгдэж байгаа цэргийн тусгай ажиллагаа явуулахдаа Ираны хилийг зөрчихгүй, тус улсын усан болон агаарын орон зайд нэвтрэхгүй гэж Пентагоны тэргүүн Пит Хегсет мэдэгдлээ.
Хегсет мөн Ормузын хоолойн бүслэлтийн үеэр Америкийн цэргийнхэн Ираны 6 хөлөг онгоцыг буцаасан талаар мэдээлжээ. Учир нь ажиллагааны гол зорилго нь Ормузын хоолойгоор нэвтрэх гадны худалдааны, тээврийн хөлөг онгоцнуудыг аюулгүй нэвтрүүлж, Ираны түгэмгийллээс хамгаалах явдал гэдгийг онцлон ажиллагаа зөвхөн хамгаалалтын шинж чанартай, цар хүрээ, үргэлжлэх хугацааны хувьд хязгаарлагдмал. Бид Ирантай мөргөлдөхийг зориогүй" гэж Батлан хамгаалахын сайд нэмж хэлсэн байна.
Хегсетийн тэмдэглэснээр, гал зогсоох хэлэлцээ хүчин төгөлдөр хэвээр байгаа боловч Тегеран хэлэлцээрээс татгалзвал цэргийн ажиллагаа дахин сэргэж болзошгүй гэнэ.
Ням гарагт Цагаан ордны тэргүүн Дональд Трамп гадны улс орнуудын зүгээс Ормузын хоолойд гацсан хөлөг онгоцуудыг чөлөөлөхийг хүсч хандаж байгааг үндэслэн "Эрх чөлөө” ажиллагааг эхлүүлсэн гэж мэдэгдсэн. Ингэхдээ Аксиос агентлагийн мэдээлснээр, Ираны цэргийн хүчин "дайрсан" тохиолдолд Америкийн тэнгисийн цэргийн хүчин худалдааны хөлөг онгоцнуудад "ойр" байж тэдэнд туслахын зэрэгцээ хоолойг аюулгүй нэвтрэх маршрутын талаар мэдээлэл өгөхийг зорьж байгаа юм.
°C