АНУ-ын Ерөнхийлөгч Дональд Трамп Ормузын хоолойн бүсэд мөрдөж эхэлсэн “Эрх чөлөө төсөл”-өө түр хугацаагаар зогсоох шийдвэр гаргалаа. Энэхүү ажиллагааг Персийн буланд саатаж гацсан гадны худалдааны болон газрын тос тээвэрлэгч хөлөг онгоцнуудыг чөлөөлөх, Ормузын хоолойгоор аюулгүй нэвтрүүлэх зорилгоор хэрэгжүүлж эхлээд байжээ.
Тэгвэл даваа гарагт эхэлсэн “Эрх чөлөө төсөл” Пакистаны талаас тавьсан хүсэлтийн дагуу зогсчээ. Пакистан улс Америк Ираны хоорондын яриа хэлэлцээрт энхийн зуучлагчийн үүрэг хүлээж байгаа юм.
Трамп Truth Trump нийгмийн хуудсан дээрээ дээрх шийдвэрийг Ойрхи Дорнодын бүс нутаг дахь “цэргийн ололт амжилт”, мөн Ирантай явуулж байгаа энхийн хэлэлцээр тодорхой амжилтад хүрч байгаа зэргийг үндэслэн гаргасан гэжээ.
Трампын мэдэгдэл АНУ-ын Төрийн нарийн бичгийн дарга Марко Рубио Цагаан ордонд болсон хэвлэлийн хурал дээр өнгөрсөн 2-р сарын сүүлээр эхлүүлсэн “Уур хилэн” ажиллагаа гол зорилгодоо хүрч, Вашингтон дараагийн алхамдаа буюу “Эрх чөлөө төсөл”-д шилжиж байгаа талаар мэдээлсний дараа олон нийтэд хүрчээ.
°C