АТГ-аас Эрчим хүчний сайд асан Н.Тавинбэх нарыг яллагдагчаар татан, шалгаж байгаа билээ. Тэднийг эрх мэдэл, албан тушаалын байдлаа урвуулан ашиглаж бусдад давуу байдал олгосон байж болзошгүй гэх үндэслэлээр цагдан хорьсон байдаг.
Тэгвэл баттай эх сурвалжийн мэдээлснээр яллагдагчаар татагдан шалгагдаж байгаа Н.Тавинбэх нь Эрчим хүчний сайдаар ажиллаж байх явцдаа 10 аймагт Дулааны цахилгаан станц барих төслийн хүрээнд БНХАУ-аас оруулж ирсэн их хэмжээний труба, дулааны шугамаар өөрийн эзэмшлийн газрынхаа хашааг барьсан байж болзошгүй нөхцөл байдал тогтоогджээ.
Тодруулбал, Эрчим хүчний сайд асан Н.Тавинбэх 10 аймагт Дулааны цахилгаан станц барих төслийн хүрээнд БНХАУ-аас Говьсүмбэр аймгийн төв Чойр хотод буулгасан их хэмжээний труба, дулааны шугамыг том оврын 15 авто машинаар Хэнтий аймагт байх өөрийн эзэмшлийн 500 га газар руугаа тээвэрлэж, адууныхаа зүчээг барьсан гэх мэдээлэл байгаа юм.
°C