Иран улс Америкийн энхийн саналыг хүлээн авахас татгалзаж байна. Учир нь АНУ-ын засгийн газраас тавьж байгаа шаардлагууд нь хэт нэг талыг барьсан, Тегеранд өөрийн байр суурийг хэт тулгасан өнгө аястай байгаа гэнэ.
Иран улсаас АНУ-ын саналд өгөх хариу үйлдэл нь дайныг зогсоох, Персийн булан, Ормузын хоолойд тээврийн хөлөг онгоцны аюулгүй байдлыг хангахад чиглэгдсэнийг эх сурвалжууд тэмдэглэж байгаа юм.
АНУ-ын Ерөнхийлөгч Дональд Трамп Цагаан ордноос мөргөлдөөнийг шийдвэрлэхэд чиглэн гаргасан саналд Ираны талаас өгч байгаа хариуг хүлээн зөвшөөрөгдөх боломжгүй гэжээ.
Иран улс АНУ-аас Ойрхи Дорнодын бүс нутагт явуулсан цэрэг дайны ажиллагааны дагуу Тегеранд нөхөн олговор төлөх шаардлагатай гэж үзэж байна.
Тавдугаар сарын эхээр Иран улс АНУ-д тавьсан 14 зүйл заалт бүхий энхийн саналынхаа хариуг Пакистан улсаар дамжуулан хүлээн авчээ. Ираны талаас АНУ-д тавьсан саналд Исламын улсын мэдэлд Ормузын хоолойн бүрэн хяналтыг үлдээх, Иран улсын гадаад улс орнууд дахь хөрөнгийг царцаасан шийдвэрээ эргүүлэн харах болон Тегераны эсрэг тавьсан хоригоо цуцлах зэрэг шаардлагууд багтаад байжээ.
°C