Их Британийн эрх баригч Лейборист Нам орон нутгийн сонгуульд амжилт муутай оролцож, орон нутгийн зөвлөл дэх суудлынхаа талыг алджээ. Их Британид орон нутгийн сонгууль өнгөрсөн пүрэв гарагт явагдсан ч сонгуулийн албан ёсны дүнг ням гарагт танилцуулжээ. Сонгууль Английн 136 бүс нутагт явагдсан юм.
Сонгуулийн албан ёсны дүнгээр Лейборист Нам орон нутгийн зөвлөлд эзэмшиж байсан 2,200 гаруй суудлынхаа тал хувийг буюу 1,200 суудлаа алдсан байна. Консерватив Нам мөн ялагдал хүлээж, 400-аад суудал алдан нийт 800 суудал авсан байна. Тэгвэл энэ удаагийн орон нутгийн сонгуульд Барууны Шинэчлэлийн нам 1,400 гаруй суудал авч амжилттай оролцжээ. Өмнө нь энэ нам ердөө 100 хүрэхгүй суудалтай байжээ.
Ногоон Нам 376 суудал авч, нийт суудлын тоо нь 568 болж байр сууриа ахиулж чадсан байна. Либерал Ардчилсан Намын хяналтад байгаа суудлын тоо 143-аар нэмэгдэж, 832 болжээ.
Их Британид явагдсан орон нутгийн сонгуульд эрх баригч нам амжилт муутай оролцсон учраас Британийн парламент дахь Лейборист намын 30-аад гишүүн Ерөнхий сайд Кир Стармерыг хариуцлагаа хүлээн огцрохыг шаарджээ.
°C