Монгол Улс Алсын хараа-2050 урт хугацааны хөгжлийн бодлогын хүрээнд 2030 он гэхэд Улсын тусгай хамгаалалттай газар нутгийн хэмжээг нийт нутаг дэвсгэрийн 30 хувьд хүргэх зорилт дэвшүүлэн ажиллаж байна. Одоогийн байдлаар, манай улсын нийт газар нутгийн 20.8 хувь буюу 32.5 сая га талбай Улсын тусгай хамгаалалттай газар нутагт хамрагдаад байна. Үүнд, дархан цаазат газар, байгалийн цогцолборт газар, байгалийн нөөц газар, дурсгалт газар зэрэг ангиллууд багтдаг. Энэхүү бодлого нь зөвхөн газар хамгаалах бус биологийн олон янз байдлыг хадгалах, уур амьсгалын өөрчлөлтийн сөрөг нөлөөг бууруулах, экологийн тэнцвэрийг хангах зорилготой юм.
°C