Ойрхи Дорнодын бүс нутгийн хямралаас шалтгаалан дэлхийн улс орнуудад нефть газрын тос, байгалийн хийн үнэ нэмэгдэж, эрэлт хэрэгцээ тасалдаж байгаа зэрэг шалтгаанаар Энэтхэг улс хэмнэлтийн горимонд шилжих хүсэлтэй байна.
Энэтхэгийн Ерөнхий сайд Нарендра Моди Хайдарабад хотод хэлсэн үгэндээ COVID-19-ийн үеийн хязгаарлалтыг дахин хэрэгжүүлэх санал гаргаж, иргэдээ гэрээсээ онлайнаар ажиллах, бензин шатахууны хэрэглээгээ бууруулах, алт худалдаж авахаас татгалзах, гадаад орнууд руу аялахаас зайлсхийхийг уриалжээ.
Ерөнхий сайд Моди улсынхаа иргэдийг бензин, дизель түлшний хэрэглээгээ багасгаж метро болон нийтийн тээврийг ашиглахыг хүсчээ.
Түүнчлэн улсынхаа валютын нөөцийг хадгалахын тулд гадаад улс оронд амрах, хурим найр хийхээс татгалзаж, нэг жилийн туршид алт худалдаж авахаас татгалзахыг уриалжээ.
Ираны эргэн тойрон дахь хурцадмал байдал нь Персийн булангийн орнуудаас дэлхийн зах зээлд газрын тос, шингэрүүлсэн байгалийн хий нийлүүлэх гол зам болох Ормузын хоолойг хаахад хүргэж, газрын тосны экспорт, үйлдвэрлэлд сөргөөр нөлөөлөхөд хүргэжээ.
°C