Туркийн “Туркиш Эйрлайнз” агаарын тээврийн компанийн зорчигч тээврийн онгоц Стамбулаас Катманду хотод ирж газардахдаа ослын буулт хийжээ. Онгоц Балбын нийслэлд газардах үедээ дугуй нь хагарч, хэсэгчлэн гал гарсан байна.
Нисэх буудлын аюулгүйн албаныхан Airbus A330 онгоцны зорчигчид болон багийн бүх гишүүдийг цаг алдалгүй нүүлгэн шилжүүлж чадсан байна.
Трибхуваны олон улсын нисэх онгоцны буудалд ослын буулт хийсэн онгоцны нэг дугуй газардах үед эсвэл газардсаны дараа дэлбэрч, дугуйн хэсэгт гал авалцан шатсан байна.
Туркийн агаарын тээврийн компанийн онгоцонд шаардлагатай техникийн үзлэг явуулж, дугуйны хэсгийг аюулгүй болгох ажил хийгдэнэ. Түүнчлэн буцах нислэгийг өөр онгоцоор гүйцэтгэхээр болжээ.
°C