НҮБ-ын Ойн форумын 21 дүгээр чуулган Нью-Йорк хотноо энэ сарын 11-ний өдөр эхэлж, “Дэлхийн ойн зорилтуудын 2026 оны тайлан”-г танилцууллаа.
Чуулганаар дэлхийн ойн салбарын өнөөгийн нөхцөл байдал, тулгамдсан сорилт, цаашдын бодлогын чиглэлийг хэлэлцэж байна. Тайланд дурдсанаар 2015–2025 онд дэлхий даяар 40 сая га ой устсан бөгөөд тогтвортой ойн менежментийн санхүүжилтийн хэрэгцээ өндөр хэвээр байгааг онцолжээ.
Монгол Улсаас НҮБ-ын дэргэд суугаа Байнгын төлөөлөгч Н.Анхбаяр, Ойн газрын дарга Б.Оюунсанаа нар оролцжээ. Албаны төлөөлөгчид Монгол Улс 2026 онд НҮБ-ын Цөлжилттэй тэмцэх тухай конвенцын талуудын 17 дугаар бага хурлыг зохион байгуулах талаар; “Тэрбум мод” үндэсний хөдөлгөөний хэрэгжилт, үр дүн; ойн доройтол, цөлжилтийн эсрэг авч хэрэгжүүлж буй арга хэмжээг танилцууллаа.
°C