Монголын иогийн фестиваль энэ сарын 16, 17-нд зургаа дахь удаагаа зохион байгуулагдах гэж байна. Монголын иогчдын холбооноос жил бүр уламжлал болгон зохион байгуулдаг тус арга хэмжээ нь дотоод амар амгалан, бие сэтгэлийн тэнцвэрийг дэмжих, эрүүл амьдралын зөв дадлыг түгээх зорилготой юм. Монгол болон гадаадын нэр хүндтэй багш нар 30 гаруй төрлийн иог, бясалгалын хичээл заах бөгөөд Энэтхэг, Их Британи зэрэг улсын урилгатай багш нар оролцохоор болжээ. Мөн энэ жилийн нэг онцлог нь Чойжин ламын сүм музейн гадна талбайд тавдугаар сарын 16-ны 07:00-08:00 цагт болох морин хуурын аялгуут нарны мөргөл, бясалгалын үнэ төлбөргүй хөтөлбөр юм.
°C