АНУ-ын Ерөнхийлөгч Дональд Трамп БНХАУ-д гурван өдрийн төрийн дээд хэмжээний айлчлал хийхээр Бээжин хотноо хүрэлцэн ирлээ. Хятадын төв телевиз Трампын айлчлалын талаар мэдээлж, АНУ-ын тэргүүн 9 жилийн дараа Хятад улсад өндөр дээд албаны айлчлал хийж байгааг онцолж байгаа юм. Д.Трамп хамгийн сүүлд 2017 оны 11 дүгээр сард Хятад улсад айлчилж байжээ. Трампын Хятад улсад хийж байгаа айлчлалыг дагалдан Америкийн бизнесийн томоохон төлөөлөл дагалдан яваа. Тэдний дотор Nvidia, Tesla, SpaceX, Apple, Boeing, BlackRock зэрэг компанийн удирдлагууд багтаж байна. Цагаан ордны тэргүүн Хятадын Ерөнхийлөгч Ши Жиньпинтэй уулзах үеэрээ Азийн зах зээлийг Америкийн компаниудад "нээлттэй" болгох хүсэлт тавина гэдгээ амлажээ. Трамп түүнчлэн Хятадын талтай Тайваньд Америкийн зэр зэвсгийг худалдах, Ойрхи Дорнодын хямрал, дэлхийн эрчим хүчний зах зээлийн өнөөгийн нөхцөл байдал, Украины мөргөлдөөний талаар хэлэлцэхээр төлөвлөж байна. Мөн хамтарсан яриа хэлэлцээрийн үеэр хоёр талын худалдааны саадыг 30 тэрбум доллараар бууруулах чухал асуудлыг хэлэлцэнэ.
°C