Цахим хөгжил, инновац, харилцаа холбооны яамнаас дараах ажлуудыг хийж байгаа юм байна. Үүний нэг “Эрсдэл мэдэгдэх” цэс “E-mongolia” платформд байршиж эхэлснээс хойш 5 хоногийн хугацаанд 125 гомдол ирсэн.
- Иргэний эрсдэлийн мэдээллийг “E-mongolia”, “11 11” төв, бусад аппликейшн гэсэн 3 төрлөөр авна. “11 11” төв мэдээллийг нэгтгэж, асуудлыг арилгах хариуцагч байгууллага руу илгээх юм. Мэдээлэл илгээсэн иргэнд тухай бүр нь асуудлыг хүлээж авлаа, хариуцагч байгууллагад илгээлээ, судалж байна, шийдэгдлээ гэсэн үе шаттайгаар хариу өгнө.
- Эрсдэл мэдээлэх цэсийн API-г хувийн хэвшлүүдэд нээлттэй болгоно. Нээлттэй аваад иргэдэд чиглэсэн платформуудад ашиглах боломжтой.
- Түргэн, цагдаа, онцгой байдалд эрсдэл учирсан тохиолдолд яаралтай дуудлага өгөх шинэ технологийг 6 дугаар сарын 15-нд хэрэглээнд нэвтрүүлнэ.
- Гар утасны SOS дуудлагад түргэн тусламж, цагдаа, онцгой байдлын тусгай дугаарыг холбосноор тухайн хэрэглэгчийн байршлыг мэдэх, түргэн хугацаанд хүрч очих боломж нээгдэнэ. Олон улсын судалгааны дагуу ойролцоогоор 1.5 минут хэмнэх юм билээ. Байршлаа бүрэн тодорхой илэрхийлж чадахгүй нөхцөл байдлыг хялбарчилж шийдсэн.
Засгийн газрын “Чөлөөлье” бодлогын хүрээнд E-business 2.0 хувилбараар 371 зөвшөөрлийг цахимаар авах боломж бүрдэж байна.
- Төрөөс хуулийн этгээдтэй харилцах бүх үйлчилгээ нэг цонхоор буюу цахим хэлбэрт шилжиж байна.
- Шинэ бизнесээ 2 цагийн дотор цахимаар нээнэ.
- ЖДҮ эрхлэгчдэд зориулсан 15 төрлийн гэрээний загварыг ашиглах боломжтой болж байна
- Аппликейшн, банкнаас зээл авахад заавал биечлэн очиж гэрээ байгуулах шаардлагагүй болж байна
°C