“ОЮУТАН ЦАГДАА“ АРГА ХЭМЖЭЭНИЙ БҮРТГЭЛ ЭХЭЛЛЭЭ

Англи, Орос, Хятад, Япон, Солонгос гэх мэт гадаад хэлний мэдлэгтэй оюутан залуусыг 12 дахь жилдээ зохион байгуулагдаж буй "ОЮУТАН ЦАГДАА" хөтөлбөрт хамрагдахыг урьж байна. Арга хэмжээ 2026.06.25-09.01-ний хооронд хэрэгжинэ. Гэмт хэрэг, зөрчлөөс урьдчилан сэргийлэх ажилд иргэд, олон нийтийн оролцоог нэмэгдүүлж, гэмт хэргийн гаралтыг бууруулах, оюутан залуучуудыг гэмт хэрэг зөрчлөөс урьдчилан сэргийлэх ажилд татан оролцуулах, гадаадын иргэд, жуулчдын аюулгүй байдлыг хангах зорилгоор "Оюутан цагдаа" арга хэмжээг Нийслэлийн Гэмт Хэргээс Урьдчилан Сэргийлэх Ажлыг Зохицуулах Салбар Зөвлөл, Нийслэлийн Цагдаагийн Удирдах Газар, Нийслэлийн Аялал Жуулчлалын газартай хамтран зохион байгуулах гэж байна.

 Тус арга хэмжээний давуу тал:

• Цагийн уян хатан нөхцөлтэй
• Хөдөлмөрийн гэрээ байгуулж, нийгмийн даатгал төлнө
• Олон улсын жуулчид иргэдтэй харилцах замаар хэлний мэдлэгээ дээшлүүлэх
• Амьдарч буй нийгмийнхээ аюулгүй, амар тайван байдалд өөрийн хувь нэмрийг оруулах
• Амралтын хугацааг үр бүтээлтэй өнгөрүүлж гэр бүлийн болон өөрийн санхүүгийн байдалд дэмжлэг үзүүлэх

БҮРТГҮҮЛЭХ ХОЛБООС:      https://forms.gle/uDz8RC7DUjGF1wiG7

Бүртгэл: 2026 оны 06 сарын 20 - ныг дуустал