Жүдо бөхийн ДАШТ Узбек улсын нийслэл Ташкент хотноо эдгээр өдрүүдэд зохион байгуулагдаж байна. Тэмцээний гурав дахь өдөр буюу өнөөдөр эрэгтэйчүүдийн 73, эмэгтэйчүүдийн 57 кг-ын жингийн барилдаанууд болно.
Тэгвэл эрэгтэйчүүдийн 73 кг-д МУГТ, олимпийн наадмын хүрэл медальт Ц.Цогтбаатар хүч үзнэ. Тэрбээр ихний тойрогт год мөргөж, хоёрдугаар тойрогт Израилийн Идо Левин болон Саудын Арабын Сулайман Хамад нарын аль ялсантай нь барилдана. Эрэгтэйчүүдийн 73 кг-д эне жингийн босоо аварга Японы Шохой Оно бэртлийн улмаас өнжиж байгаагаараа онцлог юм. Тиймээс энэ жингийн бусад шилдгүүд болох Ц.Цогтбаатар, Гүржийн Лаша, Японы Хашимото нарыг Дэлхийн аваргын төлөө ширүүн өрсөлдөөн үзүүлнэ хэмээн жүдо сонирхогчид таамаглаж байна.
Мөн өнөөдөр эмэгтэйчүүдийн -57 кг-ын жинд М.Ичинхорлоо нэгдүгээр тойрогт Бразилын Жессика Лиматай учраа таарчээ. Хэрэв ялвал Доминиканы Ана Розатай барилдана. Харин Л.Энхрийлэн эхний тойрогтоо гоц мөргөж, дараагийн тойрогт Муна Дахук болон Кристианне Легентил нарын ялсантай нь барилдахаар болжээ.
°C