Энэ жилийн Даншиг наадам энэ зургаадугаар сарын 27,28-н буюу ирэх долоо хоногийн Бямба ням гарагт товлогджээ. Өмнө нь наймдугаар сарын эхний долоо хоногийн амралтын өдрүүдэд зохион байгуулдаг Даншиг наадам-Хүрээ цам наадмыг аравдугаар сарын 29-нд тохиодог нийслэлийн өдөртэй нэгтгэж өнгөрсөн жилээс эхлэн зургаадугаар сарын сүүлийн долоо хоногт тэмдэглэдэг болсон. Хүй долоон худагт болдог Хүрээ цам-Даншиг наадмын хөтөлбөрт хүчит бөхийн барилдаан, хурдан морины уралдаан, сур, шагайн харваа, цам харайх ёслол, лам нарын тэмцээн зэрэг багтдаг билээ. Хотын дарга Б.Пүрэвдагва "Даншиг наадам энэ сарын 27, 28-ны өдрүүдэд болно. Аюулгүй байдалд анхаарал хандуулна. Эрсдэлтэй асуудал үүсэж байгаа нь шүлхий. SАТ1 шүлхийн тархалт Төв аймгийн Эрдэнэ суманд ирсэн байна. Нийслэлийн мал аж ахуй эрхлэх бүсэд байгаа 317,000 орчим малыг вакцинд хамруулахгүй бол шүлхий тарчихвал хорио цээрийн дэглэм тогтоох болно.
Даншиг наадмын үеэр хүнсний аюулгүй байдал, мах бэлтгэлтэй холбоотой ажлыг анхаарах хэрэгтэйг холбогдох албаныханд үүрэг болгож байна" гэв.
°C