Португалын шигшээ багийн ахлагч Криштиан Роналду 2026 оны хөлбөмбөгийн дэлхийн аварга шалгаруулах тэмцээний хэсгийн шатны тоглолтод Узбекистаны хаалганд гоол оруулснаар ДАШТ-ий зургаан өөр тэмцээнд дараалан гоолдсон анхны тоглогч болж түүхэнд нэрээ мөнхөллөө.
41 настай Роналду Хьюстон хотноо болсон тоглолтын эхний үед гоолдож, Португалын багийг тэргүүлэлд гаргасан юм.
Улмаар тэрээр 2006, 2010, 2014, 2018, 2022, 2026 оны дэлхийн аварга бүрт гоол оруулсан цорын ганц хөлбөмбөгчин болов.
Роналду энэ тоглолтод хоёр гоол оруулж, Португалын шигшээ Узбекистаныг 5:0-ийн харьцаагаар буулган авсан байна. Ингэснээр тэрбээр дэлхийн аваргын тэмцээн дэх нийт гоолын тоогоо 10 болгож, Португалын домогт довтлогч Эйсебиогийн амжилтыг давжээ.
Түүний хувьд энэ нь олон шүүмжлэлийн дараах хүчтэй хариулт болсон юм. Учир нь Португалын шигшээ баг эхний тоглолтдоо БНАСАУ Конготой 1:1-ээр тэнцэж, Роналду хэд хэдэн тоглолт дараалан гоолгүй байсан билээ.
Криштиан Роналду 2006 онд ДАШТ-д анх оролцсоноос хойш зургаан удаагийн дэлхийн аваргад тасралтгүй тоглож байгаа бөгөөд урт хугацаанд дээд түвшинд өрсөлдөж буй хөлбөмбөгийн түүхэн дэх хамгийн амжилттай тоглогчдын нэг хэвээр байна.
°C