О.САРАНЧУЛУУН: ХӨГЖЛИЙН БЭРХШЭЭЛТЭЙ ИРГЭН АЖИЛЛУУЛСАН ЖДҮ-ИЙГ 5 ЖИЛ НДШ-ЭЭС ЧӨЛӨӨЛХӨӨР БОЛЛОО


Улсын Их Хурлын 2026 оны долдугаар сарын 2-ны өдрийн нэгдсэн чуулганы хуралдаанаар Засгийн газраас өргөн мэдүүлсэн “Нийгмийн даатгалын ерөнхий хуульд нэмэлт, өөрчлөлт оруулах тухай” буюу нийгмийн даатгал, тэтгэврийн шинэчлэлийн хуулийн төслийг эцэслэн баталлаа.

Шинэчлэлийн хүрээнд ахмад настны орлогын баталгааг сайжруулах, хөдөлмөр эрхлэлтийг дэмжих, нийгмийн даатгалын тогтолцоог уян хатан болгох чиглэлээр хэд хэдэн томоохон өөрчлөлт тусгагджээ.

Тухайлбал, 2027 оны нэгдүгээр сарын 1-нээс эхлэн 435 мянга орчим ахмад настанд сар бүр 100-300 мянган төгрөгийн суурь тэтгэвэр шинээр олгохоор болсон байна.

Мөн 2033 оноос эхлэн иргэдийн тэтгэврийг сүүлийн 10 жилийн цалингийн дунджаар тооцдог болох бөгөөд нэрийн дансны даатгуулагчдын тэтгэврийн хэмжээ огцом буурахаас сэргийлэх зохицуулалт тусгажээ.

Тэтгэвэр тогтоолгох наснаас хойш үргэлжлүүлэн ажилласан иргэний сарын тэтгэврийг жил бүр дөрвөн хувиар нэмэгдүүлэх, харин тогтоосон наснаасаа өмнө тэтгэвэрт гарсан тохиолдолд дөрвөн хувиар бууруулах зохицуулалт мөн хуульд багтсан байна.

Түүнчлэн иргэд сайн дурын үндсэн дээр хувийн тэтгэврийн санд шимтгэл төлж, ирээдүйд нэмэлт тэтгэвэр авах эрх зүйн орчин бүрдэж байгаа аж.

Хөдөлмөр эрхлэлтийг дэмжих хүрээнд цагийн ажил хийдэг оюутнуудыг нийгмийн даатгалын шимтгэлээс чөлөөлөхөөр болсон байна. Мөн нэгээс таван ажилтантай ажил олгогчийн төлөх нийгмийн даатгалын шимтгэлийг гурван хүртэлх ажилтанд 36 сарын хугацаанд чөлөөлөхөөр тусгажээ.

Үүнээс гадна хөгжлийн бэрхшээлтэй иргэнийг ажилд авсан жижиг, дунд бизнесийн ажил олгогчийг тухайн ажилтантай холбоотой ажил олгогчийн нийгмийн даатгалын шимтгэлээс таван жилийн хугацаанд чөлөөлөх зохицуулалт батлагдсан байна.

Шинэ хуулиар давхар ажил эрхэлдэг иргэн өөрийн сонголтоор зөвхөн нэг ажлаасаа нийгмийн даатгалын шимтгэл төлөх боломжтой болохын зэрэгцээ албан бус хөдөлмөр эрхлэгчид нийгмийн даатгалд шинээр хамрагдвал шимтгэлийн 50 хувийн хөнгөлөлт эдлэхээр болжээ.

 


0
angry
0
care
0
haha
0
liked
0
love
0
sad
0
wow

Шинэ мэдээ
ИПОТЕКИЙН ЗЭЭЛД ХАМРАГДАХ ӨРХИЙН ТООГ ЖИЛД 9000-ААС 25 МЯНГАД ХҮРГЭХЭЭ… 2026/11/13
“Нюанс” хамтлаг 25 жилийн түүхээ нэгэн тайзнаа эгшиглүүлнэ 2026/11/11
ХӨДӨЛГӨӨН ХЯЗГААРЛАСАН ХОНОГТ НОГДОХ АВТО ЗАМ АШИГЛАСНЫ ТӨЛБӨРИЙГ ХӨНГ… 2026/11/10
МОНГОЛ УЛСЫН ИХ ХУРЛЫН ХҮНДЭТГЭЛИЙН ХУРАЛДААН БОЛЛОО 2026/11/10
ТӨРИЙН ГУРВАН ӨНДӨРЛӨГ ИХ ЭЗЭН ЧИНГИС ХААНЫ ХӨШӨӨНД ХҮНДЭТГЭЛ ҮЗҮҮЛЛЭЭ 2026/11/10
“ЧИНГИС ХААН” ТЭРГҮҮН ЗЭРГИЙН ОДОНГ ШИНЖЛЭХ УХААНЫ АКАДЕМИД ХҮРТЭЭЛЭЭ 2026/11/10
2026 ОНЫ ӨСВӨР, ЗАЛУУЧУУДЫН ДАШТ-Д МОНГОЛ УЛС БАГААРАА 5 ДАХЬ ЖИЛДЭЭ А… 2026/11/06
ТЗИС-ИЙН ОЮУТНУУД САНКТ-ПЕТЕРБУРГ ХОТЫГ ЗОРИЛОО 2026/11/06
"ДӨРВӨН ЦАГИЙН ТАЛ, МАНДАХ НАР ЗЭРЭГ СОР БҮТЭЭЛҮҮДИЙГ ЖАЗЗ НАЙРУУЛГААР… 2026/11/06
“ЭРДЭНЭС ТАВАНТОЛГОЙ” ХК, “ЧАЛЬКО” КОМПАНИТАЙ ХАМТЫН АЖИЛЛАГААНЫ САНАМ… 2026/11/06
ТҮРЭЭСИЙН ОРОН СУУЦАНД ХАМРАГДАХ ИРГЭДИЙГ ЕСӨН ЗОРИЛТОТ БҮЛЭГТ АНГИЛЖ,… 2026/11/06
СЭТГҮҮЛЧИД ЭЭЛЖИТ ФОРУМАА ХИЙЖ, ТУЛГАМДСАН АСУУДЛАА ХЭЛЭЛЦЭЖ БАЙНА 2026/10/30
ДАРХАНЫ ДУЛААНЫ ЦАХИЛГААН СТАНЦЫН НАСЖИЛТЫН ХУГАЦАА ХЭТЭРЧ ГЭМТЭЛ ГАРЧ… 2026/10/30
16 НАСТАЙ ОХИНЫГ ХӨНӨӨСӨН ХЭРЭГТ Ц.ДАВГАДОРЖИД ОНОГДУУЛСАН БҮХ НАСААР … 2026/10/30
ОЮУ ТОЛГОЙН ГҮНИЙ УУРХАЙН НУРАЛТАД ӨРТСӨН 13 АЖИЛТАН ЭМНЭЛГЭЭС ГАРЧЭЭ 2026/10/30
“УЛААНБААТАРЫН ҮДЭШ” ДУУНЫ ХӨГЖМИЙГ ЗОХИОСОН УРЛАГИЙН ГАВЬЯАТ ЗҮТГЭЛТЭ… 2026/10/30
III УЛИРЛЫН НӨАТ-ЫН БУЦААН ОЛГОЛТЫГ ИРГЭДИЙН ДАНСАНД ШИЛЖҮҮЛЖ ЭХЭЛЛЭЭ 2026/10/30
ЕБС-ИЙН СУРАГЧИД ӨНӨӨДӨР ХИЧЭЭЛЛЭЭД АМАРНА 2026/10/30
ЕРӨНХИЙ САЙД Н.УЧРАЛ ИБУИНХУ ЭЛЧИН САЙД ЭДВИН САМУЭЛИЙГ ХҮЛЭЭН АВЧ УУЛ… 2026/10/30
“1000 СЭТГҮҮЛЧИЙН ФОРУМ” МАРГААШ БОЛНО 2026/10/29