Нийслэлийн Налайх дүүргийн тавдугаар хороонд "Playtime-2026" олон улсын хөгжмийн фестиваль хоёр дахь жилдээ зохион байгуулагдаж байна. Тус хөгжмийн наадамд олон улсын уран бүтээлчид оролцохын зэрэгцээ дотоодын амьд хөгжмийн хамтлагууд цуглардаг томоохон хөгжмийн наадмын нэг юм. Энэ жилийн "Playtime-2026" олон улсын хөгжмийн фестивалийн эхний өдрийн хяналт шалгалтын үеэр иргэдээс нийт 18 ширхэг зэвсгийн чанартай эд зүйл хураан авч, болзошгүй эрсдэлээс урьдчилан сэргийлжээ. Өнгөрсөн жилийн хувьд ч мөн адил хамгаалалтын алба болон цагдаагийн байгууллагын хяналтаар фестивалийн талбай руу нэвтрүүлэхийг хориглосон хутга, мэс, цахилгаан шилжүүлэгч, нулимс асгаруулагч зэрэг хүйтэн зэвсэг, мөн мансууруулах болон сэтгэцэд нөлөөлөх бодисуудыг илрүүлэн хурааж байсан. Олон нийтийг хамарсан том хэмжээний арга хэмжээнд хурц иртэй болон бусдын биед гэмтэл учруулж болзошгүй эд зүйлс авч ирэх нь эргэн тойрны хүмүүсийн аюулгүй байдалд маш том эрсдэл дагуулдаг юм. Фестивалийг зорин очиж буй залуус, иргэд та бүхэн олон нийтийн арга хэмжээнд оролцохдоо зэвсгийн чанартай болон бусдад аюул учруулж болзошгүй ямар нэгэн эд зүйл авч явахгүй байхыг уриалж байна. Мөн талбайд үүрэг гүйцэтгэж буй хамгаалалтын алба болон хууль сахиулах алба хаагчдын тавьсан хууль ёсны шаардлагыг биелүүлж, өөрийн болон бусдын аюулгүй байдлыг хангахыг холбогдох албанаас уриаллаа.
°C