Японы зүүн хойд нутгийн Тохокү бүсээс баруун өмнөд Кюшү арал хүртэлх өргөн уудам нутагт аагим халуун үргэлжлэх төлөвтэй байгааг тус улсын цаг уурын албанаас даваа гарагт анхааруулаад, халуунд цохиулахаас сэргийлэх арга хэмжээ авахыг иргэдэд зөвлөжээ. Сайтама хотод өдөртөө 38 хэм, Нагояа, Киото, Маэбаши, Кофү, Гифү, Фүкүи хотуудад 37 хэм хүрч халж, харин Токиогийн төв хэсэг болон Фүкүшима, Окаяма, Такамацү хотуудад 36 хэм хүртэл халах төлөвтэй байна. Тохокү бүсээс Окинава хүртэлх 47 мужийн 39-д нь халуунаас сэргийлэх сэрэмжлүүлэг гаргаж, иргэдэд агааржуулагч ашиглах, хангалттай хэмжээний ус, давс хэрэглэхийг зөвлөжээ. Аагим халуун долоо хоногийн турш үргэлжлэх төлөвтэй байгаа бөгөөд Токай болон бусад бүс нутагт лхагва, пүрэв гарагт 40 хэмээс давж болзошгүй байна.
°C