Японы ерөнхий сайд Санаэ Такаичи өдөрт ердөө 0-3 цаг унтдаг болсон тухайгаа олон нийтийн сүлжээнд бичсэн нь сөрөг хүчний улс төрчдийн шүүмжлэлийг дагуулжээ. Тэрбээр долоодугаар сарын 20-нд цахим хуудастаа "Амралтын өдрүүдээр ч эдийн засаг, төсвийн бодлогын баримт бичгүүдийг өглөөнөөс орой хүртэл уншиж, мянга мянган цахим шуудан илгээж, баримт бичгүүдийг дахин нягталж байна.Ерөнхий сайд болсноос хойш өдөрт 0-3 цаг унтах нь хэвийн үзэгдэл болсон" хэмээн онцолсон байна. Харин сүүлд даваа гарагт Японд бүх нийтийн амралтын өдөр тохиосноор таван цаг унтсан бөгөөд үдээс хойш хувийн ажлаа амжуулж, угаалга хийж, хувцсаа индүүдсэн тухайгаа хуваалцжээ.
Үүний дараа улс төрчид удирдагч хүн ийм байдлаар ажиллаж, түүнийгээ олон нийтэд онцлон харуулах нь зөв эсэх талаар маргаан өрнүүлсэн байна. Түүнийг өөртөө бүх ачааллыг авч ажиллах биш, ажлаа зөв хуваарилж, зарим ажлаа итгэлтэйгээр даатгаж үлдээх чадварлаг туслахуудтай байх ёстой хэмээн шүүмжилжээ.
°C