Монгол Улсын Засгийн газрын гишүүн, Хууль зүй, дотоод хэргийн сайдын удирдамжийн хүрээнд Хууль зүй, дотоод хэргийн яам, харьяа агентлагууд хамтран энэ оны 07 дугаар сарын 24-ний өдрөөс 08 дугаар сарын 24-ний өдрийг хүртэл Нийслэлийн 9 дүүрэгт “Хуулиа дээдэлж – хариуцлагаа ухамсарлая” сэдэвт бүх нийтийн эрх зүйн боловсрол, өргөдөл, гомдлын шийдвэрлэлтийн нэгдсэн аяныг зохион байгуулж байна.
Хууль зүй, дотоод хэргийн сайд “Эрх зүйт төр- Иргэний итгэлцлийн реформ”-ыг хэрэгжүүлэн ажиллаж байна. Ийнхүү өнөөдөр /2026.07.27/ Чингэлтэй, Сүхбаатар дүүргийн нутаг дэвсгэр, 7 буудлын эцэст явуулын оффис ажиллаж, Хууль зүй, дотоод хэргийн яамны харьяа 11 байгууллага иргэдэд төрийн үйлчилгээ, хууль, эрх зүйн зөвлөгөө, мэдээллийг нэг дороос хүргэн ажиллаж байна.
Цагдаагийн байгууллагаас иргэдийн “Жолоодох эрхийн үнэмлэх”-ийг хэвлэх автомат киоск машиныг ажиллуулж, жолоочийн үнэмлэхийг газар дээр нь хэвлэн олгохын зэрэгцээ гэмт хэрэг, зөрчлийн талаарх өргөдөл, гомдол, мэдээллийг хүлээн авч, хууль, эрх зүйн зөвлөгөө мэдээллээр үйлчилж байна.
Явуулын оффисын үйлчилгээ нь иргэн бүрд нээлттэй төдийгүй төрийн үйлчилгээг нэг дороос, түргэн шуурхай авах боломжтой юм.
°C