“БИОАНАГААХЫН ИНЖЕНЕРЧЛЭЛИЙН ХӨГЖИЛ” ОЛОН УЛСЫН II ХУРАЛ УЛААНБААТАРТ БОЛЖ БАЙНА


Монгол Улсад эмнэлгийн инженер мэргэжилтэн бэлтгэж эхэлсний 30 жилийн ойн хүрээнд “Биоанагаахын инженерчлэлийн хөгжил” олон улсын эрдэм шинжилгээний II хурал Улаанбаатар хотноо зохион байгуулагдаж байна.

Тус хуралд найман орны эрдэмтэн, судлаач, биоанагаахын инженерчлэлийн салбарын мэргэжилтнүүд оролцож байгаа бөгөөд Эмнэлэг, биологийн инженерчлэлийн олон улсын холбоо буюу IFMBE-ийн төлөөлөл, гадаадын их, дээд сургуулийн профессор, судлаачид хүрэлцэн иржээ.

Хурлаар хиймэл оюун ухаан, эмнэлгийн дүрслэл, био мэдрэгч, эмнэлгийн робот, клиник инженерчлэл зэрэг чиглэлийн шинэ судалгаа, технологийн талаар хэлэлцэж, салбарын туршлага солилцож байна.

Оролцогчид биоанагаахын инженерчлэлийн шинэ технологи нь зөвхөн эрдэм шинжилгээний түвшинд үлдэх бус, бодит бүтээгдэхүүн, систем болон хөгжиж, өвчтөнд хүрэх нь чухал гэдгийг онцолж байлаа.

Хурлын хүрээнд эмнэлгийн тоног төхөөрөмж, дижитал эрүүл мэндийн технологийн үзэсгэлэн мөн ажиллаж байна. Үзэсгэлэнд БНСУ-ын Вонжү хотын зургаан компани оролцож, бүтээгдэхүүн, технологио Монголын зах зээлд танилцуулан, эмнэлгийн байгууллага, ханган нийлүүлэгчидтэй бизнес уулзалт хийж байгаа юм.

Мөн “Medical AI Semiconductors” төслийн хүрээнд Монгол, БНСУ-ын салбарын байгууллагуудын хамтын ажиллагааг өргөжүүлэх зөвлөх үйлчилгээ, уулзалтууд зохион байгуулж, хамтын ажиллагааны санамж бичиг байгуулжээ. Шинэ тоног төхөөрөмж, технологи нэвтрэхийн хэрээр түүнийг ажиллуулах, засвар үйлчилгээ хийх мэргэшсэн инженерүүдийн чадавх ч мөн чухал хэвээр байна. Энэ чиглэлээр БНСУ-ын Олон улсын эрүүл мэндийн сан буюу KOFIH Монголын биоанагаахын инженерүүдийн мэдлэг, ур чадварыг дээшлүүлэх, БНСУ-д суралцсан төгсөгчдийн туршлагыг бусад инженерүүдэд түгээх хөтөлбөр хэрэгжүүлж байна.

Ийнхүү биоанагаахын инженерчлэлийн салбарын 30 жилийн ойн хүрээнд эрдэм шинжилгээ, шинэ технологи нэвтрүүлэхээс гадна инженерүүдийн мэргэжлийн чадавх, олон улсын хамтын ажиллагааг зэрэг хөгжүүлэх ажлууд үргэлжилж байна.

Салбарын 30 жилийн ойг онцлох дараагийн томоохон арга хэмжээний нэг болох “MONGOLIA HEALTH TECHNOLOGY EXPO 2026” олон улсын үзэсгэлэн ирэх есдүгээр сарын 25-27-ны өдрүүдэд M Bank Arena-д 27 дахь удаагаа зохион байгуулагдах юм.

 


0
angry
0
care
0
haha
0
liked
0
love
0
sad
0
wow

Шинэ мэдээ
ИПОТЕКИЙН ЗЭЭЛД ХАМРАГДАХ ӨРХИЙН ТООГ ЖИЛД 9000-ААС 25 МЯНГАД ХҮРГЭХЭЭ… 2026/11/13
“Нюанс” хамтлаг 25 жилийн түүхээ нэгэн тайзнаа эгшиглүүлнэ 2026/11/11
ХӨДӨЛГӨӨН ХЯЗГААРЛАСАН ХОНОГТ НОГДОХ АВТО ЗАМ АШИГЛАСНЫ ТӨЛБӨРИЙГ ХӨНГ… 2026/11/10
МОНГОЛ УЛСЫН ИХ ХУРЛЫН ХҮНДЭТГЭЛИЙН ХУРАЛДААН БОЛЛОО 2026/11/10
ТӨРИЙН ГУРВАН ӨНДӨРЛӨГ ИХ ЭЗЭН ЧИНГИС ХААНЫ ХӨШӨӨНД ХҮНДЭТГЭЛ ҮЗҮҮЛЛЭЭ 2026/11/10
“ЧИНГИС ХААН” ТЭРГҮҮН ЗЭРГИЙН ОДОНГ ШИНЖЛЭХ УХААНЫ АКАДЕМИД ХҮРТЭЭЛЭЭ 2026/11/10
2026 ОНЫ ӨСВӨР, ЗАЛУУЧУУДЫН ДАШТ-Д МОНГОЛ УЛС БАГААРАА 5 ДАХЬ ЖИЛДЭЭ А… 2026/11/06
ТЗИС-ИЙН ОЮУТНУУД САНКТ-ПЕТЕРБУРГ ХОТЫГ ЗОРИЛОО 2026/11/06
"ДӨРВӨН ЦАГИЙН ТАЛ, МАНДАХ НАР ЗЭРЭГ СОР БҮТЭЭЛҮҮДИЙГ ЖАЗЗ НАЙРУУЛГААР… 2026/11/06
“ЭРДЭНЭС ТАВАНТОЛГОЙ” ХК, “ЧАЛЬКО” КОМПАНИТАЙ ХАМТЫН АЖИЛЛАГААНЫ САНАМ… 2026/11/06
ТҮРЭЭСИЙН ОРОН СУУЦАНД ХАМРАГДАХ ИРГЭДИЙГ ЕСӨН ЗОРИЛТОТ БҮЛЭГТ АНГИЛЖ,… 2026/11/06
СЭТГҮҮЛЧИД ЭЭЛЖИТ ФОРУМАА ХИЙЖ, ТУЛГАМДСАН АСУУДЛАА ХЭЛЭЛЦЭЖ БАЙНА 2026/10/30
ДАРХАНЫ ДУЛААНЫ ЦАХИЛГААН СТАНЦЫН НАСЖИЛТЫН ХУГАЦАА ХЭТЭРЧ ГЭМТЭЛ ГАРЧ… 2026/10/30
16 НАСТАЙ ОХИНЫГ ХӨНӨӨСӨН ХЭРЭГТ Ц.ДАВГАДОРЖИД ОНОГДУУЛСАН БҮХ НАСААР … 2026/10/30
ОЮУ ТОЛГОЙН ГҮНИЙ УУРХАЙН НУРАЛТАД ӨРТСӨН 13 АЖИЛТАН ЭМНЭЛГЭЭС ГАРЧЭЭ 2026/10/30
“УЛААНБААТАРЫН ҮДЭШ” ДУУНЫ ХӨГЖМИЙГ ЗОХИОСОН УРЛАГИЙН ГАВЬЯАТ ЗҮТГЭЛТЭ… 2026/10/30
III УЛИРЛЫН НӨАТ-ЫН БУЦААН ОЛГОЛТЫГ ИРГЭДИЙН ДАНСАНД ШИЛЖҮҮЛЖ ЭХЭЛЛЭЭ 2026/10/30
ЕБС-ИЙН СУРАГЧИД ӨНӨӨДӨР ХИЧЭЭЛЛЭЭД АМАРНА 2026/10/30
ЕРӨНХИЙ САЙД Н.УЧРАЛ ИБУИНХУ ЭЛЧИН САЙД ЭДВИН САМУЭЛИЙГ ХҮЛЭЭН АВЧ УУЛ… 2026/10/30
“1000 СЭТГҮҮЛЧИЙН ФОРУМ” МАРГААШ БОЛНО 2026/10/29