НИЙТИЙН ТЭЭВЭР ӨВЛИЙН ЦАГИЙН ХУВААРЬТ ШИЛЖИНЭ


Нийслэлийн иргэдийн зорчилт хөдөлгөөн нэмэгдэж, 2026-2027 оны хичээлийн шинэ жил эхлэхтэй холбогдуулан нийтийн тээврийн үйлчилгээний ачаалал өсөх төлөвтэй байна. Үүнтэй холбоотойгоор нийслэлийн Нийтийн тээврийн бодлогын газраас есдүгээр сарын 1-нээс нийтийн тээврийг өвлийн цагийн хуваарьт шилжүүлж, 06.20-22.00 цагийн хооронд үйлчилгээ үзүүлэхээр бэлтгэл ажлыг хангаж байна.

Энэ талаар “Зорчигч тээвэр дөрөв” ОНӨААТҮГ-ын захирал С.Баттулгын мэдээлснээр, хичээл сургууль эхэлж, иргэдийн зорчилт нэмэгдэхтэй холбоотойгоор автобусны техникийн бэлэн байдал, жолоочийн хангалт, сэлбэг хэрэгслийн нөөц, үйлчилгээний чанар, аюулгүй байдлыг хангахад онцгой анхаарч байгаа аж.

Тус байгууллага өвлийн цагийн хуваарийн хүрээнд нийтийн тээврийн 12 чиглэлд нийт 91 автобусаар үйлчлэхээр бэлтгэлээ хангажээ. Автобусуудын техникийн бүрэн бүтэн байдалд үзлэг, шалгалт хийж, шаардлагатай засвар үйлчилгээг үе шаттайгаар гүйцэтгэн, өвлийн улиралд тасралтгүй үйлчилгээнд гарах бэлэн байдлыг хангаж байгаа юм.

Харин хичээлийн шинэ жил эхлэхтэй холбоотойгоор сурагчдын аюулгүй зорчилтыг хангах сургуулийн автобусны үйлчилгээнд мөн бэлтгэлээ хангажээ. Сургуулийн зориулалтын найман автобусанд засвар үйлчилгээ хийж, техникийн үзлэг, оношилгоонд оруулсан бөгөөд эдгээр автобус найман чиглэлд үйлчилж, өдөрт дунджаар 1000 гаруй сурагчид үйлчлэх боломжтой аж.

Сурагчдын автобусны хувьд аюулгүй байдал, тав тухыг нэн тэргүүнд тавьж, автобусуудыг стандартын шаардлага хангасан, цэвэр цэмцгэр орчинд үйлчилгээнд гаргахын зэрэгцээ мэргэшсэн, туршлагатай жолооч нарыг ажиллуулахаар зохион байгуулж байна.

Өвлийн улиралд автобусны хэвийн ажиллагаанд цаг агаарын нөхцөлөөс гадна техникийн бэлэн байдал, сэлбэг хэрэгслийн нөөц чухал байдаг. Тиймээс тус байгууллага их багтаамжийн "Yutong ZK6116HG" загварын 95 автобус, "Dongfeng" загварын сургуулийн найман автобусыг өвлийн улиралд хэвийн ажиллуулахад шаардлагатай сэлбэг хэрэгслийн нөөцийг бүрдүүлсэн байна.

Мөн автобусуудын өдөр тутмын техникийн хяналт, үзлэг үйлчилгээг тогтмол хийж, хөдөлгөөний аюулгүй байдалд сөргөөр нөлөөлж болзошгүй эвдрэл гэмтлийг тухай бүр илрүүлэн засварлах замаар үйлчилгээнд гарах автобусны найдвартай ажиллагааг хангахаар ажиллаж байгаа аж.

Зөвхөн техникийн бэлэн байдлаас гадна жолооч, техникийн ажилтнуудын нөөц, бэлэн байдлыг ч анхаарч байна. Өвлийн улиралд цаг агаар болон замын хөдөлгөөний ачааллаас шалтгаалан нийтийн тээврийн хэвийн үйлчилгээнд хүндрэл үүсэх эрсдэл нэмэгддэг тул шаардлагатай сэлбэг, засвар үйлчилгээний нөөцөөс эхлээд жолооч, техникийн ажилтнуудын бэлэн байдлыг цогцоор нь хангаж байгаа юм.

 


0
angry
0
care
0
haha
0
liked
0
love
0
sad
0
wow

Шинэ мэдээ
ИПОТЕКИЙН ЗЭЭЛД ХАМРАГДАХ ӨРХИЙН ТООГ ЖИЛД 9000-ААС 25 МЯНГАД ХҮРГЭХЭЭ… 2026/11/13
“Нюанс” хамтлаг 25 жилийн түүхээ нэгэн тайзнаа эгшиглүүлнэ 2026/11/11
ХӨДӨЛГӨӨН ХЯЗГААРЛАСАН ХОНОГТ НОГДОХ АВТО ЗАМ АШИГЛАСНЫ ТӨЛБӨРИЙГ ХӨНГ… 2026/11/10
МОНГОЛ УЛСЫН ИХ ХУРЛЫН ХҮНДЭТГЭЛИЙН ХУРАЛДААН БОЛЛОО 2026/11/10
ТӨРИЙН ГУРВАН ӨНДӨРЛӨГ ИХ ЭЗЭН ЧИНГИС ХААНЫ ХӨШӨӨНД ХҮНДЭТГЭЛ ҮЗҮҮЛЛЭЭ 2026/11/10
“ЧИНГИС ХААН” ТЭРГҮҮН ЗЭРГИЙН ОДОНГ ШИНЖЛЭХ УХААНЫ АКАДЕМИД ХҮРТЭЭЛЭЭ 2026/11/10
2026 ОНЫ ӨСВӨР, ЗАЛУУЧУУДЫН ДАШТ-Д МОНГОЛ УЛС БАГААРАА 5 ДАХЬ ЖИЛДЭЭ А… 2026/11/06
ТЗИС-ИЙН ОЮУТНУУД САНКТ-ПЕТЕРБУРГ ХОТЫГ ЗОРИЛОО 2026/11/06
"ДӨРВӨН ЦАГИЙН ТАЛ, МАНДАХ НАР ЗЭРЭГ СОР БҮТЭЭЛҮҮДИЙГ ЖАЗЗ НАЙРУУЛГААР… 2026/11/06
“ЭРДЭНЭС ТАВАНТОЛГОЙ” ХК, “ЧАЛЬКО” КОМПАНИТАЙ ХАМТЫН АЖИЛЛАГААНЫ САНАМ… 2026/11/06
ТҮРЭЭСИЙН ОРОН СУУЦАНД ХАМРАГДАХ ИРГЭДИЙГ ЕСӨН ЗОРИЛТОТ БҮЛЭГТ АНГИЛЖ,… 2026/11/06
СЭТГҮҮЛЧИД ЭЭЛЖИТ ФОРУМАА ХИЙЖ, ТУЛГАМДСАН АСУУДЛАА ХЭЛЭЛЦЭЖ БАЙНА 2026/10/30
ДАРХАНЫ ДУЛААНЫ ЦАХИЛГААН СТАНЦЫН НАСЖИЛТЫН ХУГАЦАА ХЭТЭРЧ ГЭМТЭЛ ГАРЧ… 2026/10/30
16 НАСТАЙ ОХИНЫГ ХӨНӨӨСӨН ХЭРЭГТ Ц.ДАВГАДОРЖИД ОНОГДУУЛСАН БҮХ НАСААР … 2026/10/30
ОЮУ ТОЛГОЙН ГҮНИЙ УУРХАЙН НУРАЛТАД ӨРТСӨН 13 АЖИЛТАН ЭМНЭЛГЭЭС ГАРЧЭЭ 2026/10/30
“УЛААНБААТАРЫН ҮДЭШ” ДУУНЫ ХӨГЖМИЙГ ЗОХИОСОН УРЛАГИЙН ГАВЬЯАТ ЗҮТГЭЛТЭ… 2026/10/30
III УЛИРЛЫН НӨАТ-ЫН БУЦААН ОЛГОЛТЫГ ИРГЭДИЙН ДАНСАНД ШИЛЖҮҮЛЖ ЭХЭЛЛЭЭ 2026/10/30
ЕБС-ИЙН СУРАГЧИД ӨНӨӨДӨР ХИЧЭЭЛЛЭЭД АМАРНА 2026/10/30
ЕРӨНХИЙ САЙД Н.УЧРАЛ ИБУИНХУ ЭЛЧИН САЙД ЭДВИН САМУЭЛИЙГ ХҮЛЭЭН АВЧ УУЛ… 2026/10/30
“1000 СЭТГҮҮЛЧИЙН ФОРУМ” МАРГААШ БОЛНО 2026/10/29