“ОЮУ ТОЛГОЙ”-Н ОРЛОГО 5.5$ ТЭРБУМД ХҮРЧЭЭ

Admin
13 цагийн өмнө

“Оюу Толгой” ХХК он гарснаас хойш эхний найман сарын байдлаар биет хэмжээгээр 276 мянган тонн зэс олборложээ. Ингэснээр орлогын гүйцэтгэл 5.5 тэрбум ам.долларт хүрч анх төлөвлөснөөс 1.9 тэрбум ам.доллароор давж биелжээ.
Тайлант хугацаанд гүний уурхайгаас эхний найман сарын байдлаар 9.4 сая тонн хүдэр боловсруулжээ. Мөн хүдэр дэх алтны гарц 339 мянган унц байжээ. Эдгээр нь бүгд анх төсөөлж байснаас давсан үзүүлэлт юм. Олон улсын зах зээлд үнэт металлын ханш өндөр байгаатай холбоотойгоор далд уурхайн олборлолтыг ахиулаад байна. Ташрамд дурдахад компанийн санхүүгийн гүйцэтгэл сайн, Монгол Улсын зээлжих зэрэглэл ахисан зэрэг хүчин зүйлсийг харгалзан талууд хувь нийлүүлэгчдийн хүртэх өгөөжийг нэмэгдүүлэх боломжуудыг судалж байна. Түүнчлэн 2027 оноос ногдол ашиг олгож, татвар хураамжийг нэмэгдүүлэхээр болсон юм. Мөн олборлож боловсруулсан алтны хэмжээ, агуулга ч төлөвлөгөөнөөсөө давсныг "Оюу Толгой" компанийн Гүйцэтгэх захирал С.Мөнхсүх онцоллоо. Тэрбээр "Зэсийн олборлолт 251.7 мянган тонн байхаар төлөвлөснөөс одоогийн байдлаар 276 мянган тонныг боловсруулаад байна. Алт олборлох хэмжээг 286 мянган унц гэж төлөвлөөд байсан бол давуулан биелүүлж 339 мянган унц алт боловсрууллаа. Мөн зэсийн үнэ бидний төлөвлөснөөс илүү байгаа. Зэсийн үнийг дунджаар 10,500 ам.доллар гэж төсөөлсөн бол одоогоор 13,500 ам.доллар орчим, унц нь 3,900 ам.доллар гэж тооцсон алтны энэ жилийн дундаж нь үнэ 4,600 орчим байна" гэв. "Оюу Толгой" компани 2026 оны зөвхөн хоёрдугаар улиралд гэхэд 834 тэрбум төгрөгийг татвар хураамж болон бусад төлбөрт төлсөн байна. Харин оны эхний найман сарын байдлаар төлсөн татвар, хураамж, бусад төлбөрийн хэмжээ 3.2 их наяд төгрөг болов. Нэмж дурдахад "Оюу Толгой" компани нь 2010 оноос хойш өнөөг хүртэл нийтдээ 62 их наяд төгрөгийг үндсэн ажилтнуудын цалин, төсөвт төлж буй татвар хураамж, үндэсний компаниудтай хийсэн худалдан авалт, хамтын ажиллагаа зэрэг зориулсан байна.


0
angry
0
care
0
haha
0
liked
0
love
0
sad
0
wow

Шинэ мэдээ
ИПОТЕКИЙН ЗЭЭЛД ХАМРАГДАХ ӨРХИЙН ТООГ ЖИЛД 9000-ААС 25 МЯНГАД ХҮРГЭХЭЭ… 2026/11/13
“Нюанс” хамтлаг 25 жилийн түүхээ нэгэн тайзнаа эгшиглүүлнэ 2026/11/11
ХӨДӨЛГӨӨН ХЯЗГААРЛАСАН ХОНОГТ НОГДОХ АВТО ЗАМ АШИГЛАСНЫ ТӨЛБӨРИЙГ ХӨНГ… 2026/11/10
МОНГОЛ УЛСЫН ИХ ХУРЛЫН ХҮНДЭТГЭЛИЙН ХУРАЛДААН БОЛЛОО 2026/11/10
ТӨРИЙН ГУРВАН ӨНДӨРЛӨГ ИХ ЭЗЭН ЧИНГИС ХААНЫ ХӨШӨӨНД ХҮНДЭТГЭЛ ҮЗҮҮЛЛЭЭ 2026/11/10
“ЧИНГИС ХААН” ТЭРГҮҮН ЗЭРГИЙН ОДОНГ ШИНЖЛЭХ УХААНЫ АКАДЕМИД ХҮРТЭЭЛЭЭ 2026/11/10
2026 ОНЫ ӨСВӨР, ЗАЛУУЧУУДЫН ДАШТ-Д МОНГОЛ УЛС БАГААРАА 5 ДАХЬ ЖИЛДЭЭ А… 2026/11/06
ТЗИС-ИЙН ОЮУТНУУД САНКТ-ПЕТЕРБУРГ ХОТЫГ ЗОРИЛОО 2026/11/06
"ДӨРВӨН ЦАГИЙН ТАЛ, МАНДАХ НАР ЗЭРЭГ СОР БҮТЭЭЛҮҮДИЙГ ЖАЗЗ НАЙРУУЛГААР… 2026/11/06
“ЭРДЭНЭС ТАВАНТОЛГОЙ” ХК, “ЧАЛЬКО” КОМПАНИТАЙ ХАМТЫН АЖИЛЛАГААНЫ САНАМ… 2026/11/06
ТҮРЭЭСИЙН ОРОН СУУЦАНД ХАМРАГДАХ ИРГЭДИЙГ ЕСӨН ЗОРИЛТОТ БҮЛЭГТ АНГИЛЖ,… 2026/11/06
СЭТГҮҮЛЧИД ЭЭЛЖИТ ФОРУМАА ХИЙЖ, ТУЛГАМДСАН АСУУДЛАА ХЭЛЭЛЦЭЖ БАЙНА 2026/10/30
ДАРХАНЫ ДУЛААНЫ ЦАХИЛГААН СТАНЦЫН НАСЖИЛТЫН ХУГАЦАА ХЭТЭРЧ ГЭМТЭЛ ГАРЧ… 2026/10/30
16 НАСТАЙ ОХИНЫГ ХӨНӨӨСӨН ХЭРЭГТ Ц.ДАВГАДОРЖИД ОНОГДУУЛСАН БҮХ НАСААР … 2026/10/30
ОЮУ ТОЛГОЙН ГҮНИЙ УУРХАЙН НУРАЛТАД ӨРТСӨН 13 АЖИЛТАН ЭМНЭЛГЭЭС ГАРЧЭЭ 2026/10/30
“УЛААНБААТАРЫН ҮДЭШ” ДУУНЫ ХӨГЖМИЙГ ЗОХИОСОН УРЛАГИЙН ГАВЬЯАТ ЗҮТГЭЛТЭ… 2026/10/30
III УЛИРЛЫН НӨАТ-ЫН БУЦААН ОЛГОЛТЫГ ИРГЭДИЙН ДАНСАНД ШИЛЖҮҮЛЖ ЭХЭЛЛЭЭ 2026/10/30
ЕБС-ИЙН СУРАГЧИД ӨНӨӨДӨР ХИЧЭЭЛЛЭЭД АМАРНА 2026/10/30
ЕРӨНХИЙ САЙД Н.УЧРАЛ ИБУИНХУ ЭЛЧИН САЙД ЭДВИН САМУЭЛИЙГ ХҮЛЭЭН АВЧ УУЛ… 2026/10/30
“1000 СЭТГҮҮЛЧИЙН ФОРУМ” МАРГААШ БОЛНО 2026/10/29