Монгол Улсын Ерөнхий сайд Н.Учрал Япон Улсад айлчилж байгаа. Түүний багийн бүрэлдэхүүнд 21 аймгийн МАН-ын хорооны удирдлагууд багтсан гэх шүүмжлэл цахим сүлжээнд олны анхаарлыг татаад байгаа.
Тэгвэл МАН-ын гишүүд Японы Либерал Ардчилсан Нам дээр ажиллаж, туршлага солилцож байгаа аж. Энэ талаар тус намаас "Монгол Ардын Намын Ерөнхий Нарийн бичгийн дарга Я.Содбаатар тэргүүтэй төлөөлөгчид Япон Улсад айлчилж байна. Айлчлалын хүрээнд МАН-ын Удирдах зөвлөлийн Ажлын алба, 21 аймаг, 9 дүүргийн МАН-ын хороодын удирдлагууд Японы Либерал Ардчилсан Нам дээр ажиллаж, туршлага солилцлоо. Энэ үеэр төлөөлөгчид Японы Либерал Ардчилсан Намын холбогдох албаны төлөөлөгчидтэй уулзаж, намын үйл ажиллагаа, байгууллагын зохион байгуулалт, бодлого боловсруулалттай танилцахын зэрэгцээ бүс, орон нутгийн хөгжлийн асуудлаарх сургалтад хамрагдав. Японы эрх баригч Либерал Ардчилсан Нам нь 1955 онд байгуулагдсан бөгөөд намын даргаар Японы Ерөнхий сайд Санаэ Такаичи 2025 оноос сонгогдон ажиллаж байна" хэмээн мэдээлжээ.
°C