ОХУ Украйны дөрвөн бүс нутгийг эзлэн түрэмгийлсэн шийдвэртэй холбоотойгоор НҮБ-ын Ерөнхий ассамблей өчигдөр санал хураалт явуулсан. Уг санал хураалтад НҮБ-ын гишүүн 193 орон оролцсон. Тэгвэл Монгол Улсын хувьд дахин түдгэлзсэн байр суурийг илэрхийлсэн байна.
Санал хураалтад оролцсон 143 орон Украйны тусгаар тогтнол, бүрэн эрх нутаг дэвсгэрийн бүрэн бүтэн байдлыг баталгаажуулсан НҮБ-ын тогтоолыг дэмжсэн бол дөрвөн орон татгалзсан, 35 орон түдгэлзсэн байр суурь илэрхийлжээ. Тодруулбал, Сири, Никарагуа, Хойд Солонгос, Беларусь гэсэн улсууд НҮБ-ын эсрэг санал өгчээ. Харин Хятад, Энэтхэг, Пакистан, Монгол тэргүүтэй 35 орон түдгэлзсэн санал өгсөн байна.
НҮБ-ын тогтоолын төслийг дэмжиж санал өгсөн 143 оронд Украйны Ерөнхийлөгч Володимер Зеленский талархал илэрхийлж, ОХУ-д эзлэгдсэн газар нутгаа эргүүлэн авах болно хэмээн мэдэгджээ.
°C