Пүрэв гарант БНХАУ-д удирдагч Ши Жиньпинийг эсэргүүцсэн жагсаал болсон талаар СNN агентлаг мэдээллээ. Жагсаал Бээжин хотын Хайдан дүүргийн Ситонг гүүрэн гарц дээр болсон байна.
Жагсаалд оролцогчид БНХАУ-ын дарга Ши Жиньпинийг шүүмжилсэн уриа лоозон барьсан бөгөөд “Тэг ковид” бодлогыг эсэргүүцсэн үгс бичжээ. Мөн “Хятадын ард түмэн боол бус хүн байх ёстой” гэх лоозонг барьсан байсан байна. Энэ нь улс орныг нэг удирдагч дарангуйлж удирдах бус ардчилсан сонгууль явуулж олон хүн зөвшилцөж удирдах ёстой гэсэн мессежийг нийгэмд өгсөн жагсаал болсон аж.
Уг жагсаалтай холбоотойгоор Бээжингийн цагдаагийн газраас ямар нэгэн мэдэгдэл хийгээгүй бөгөөд жагсаалтай холбоотой мэдээлэл, зураг видео тэр бүү хэл түлхүүр үгийг хүртэл Хятадын цахим сүлжээнээс устгасан байна. Харин Хятадын ард иргэд бид харсан гэх хаштагийг ашиглаж Вэйбо цахим сүлжээнд сэтгэгдлээ илэрхийлсээр байна.
Дашрамд дуулгахад, Хятадын эрх баригч Коммунист намын XX их хурал энэ ням гарагт эхэлнэ. Уг хурлаар Хятадын удирдагч Ши Жиньпин өөрийн бүрэн эрхээ дахин таван жилээр үргэлжлүүлэхээр зорьж байгаа билээ.
°C