Сонирхогчдын боксын Ази тивийн аварга шалгаруулах сонирхогчдын боксын тэмцээн эдгээр өдрүүдэд Иорданы Амман хотод зохион байгуулагдаж байна. Тэгвэл энэ удаагийн тивийн аваргад манай ширэн бээлийтнүүд амжилт дүүрэн оролцож байна.
Одоогоор манай 9 эмэгтэй 63 кг-ын жинд Уранбилэгийн Шинэцэцэг хүрэл медалийн төлөө Тайваний тамирчин Чен вен Суг, 54 кг-ын жинд ОУХМ О.Есүгэн Филиппиний Марсиал Дела Торрег, 52 кг-д ОУХМ Л.Алтанцэцэг Узбекстаны тамирчин Казакова, 60 кг-ийн жинд Төгсжаргалын Номин-Эрдэнэ хүрэл медалийн төлөө Казакстаны тамирчин Ази тивийн хошой аварга Волоссенког ялж, 19 насандаа тивийн медальтан боллоо. Түүний хувьд энэ удаагийн тэмцээнд оролцож байгаа манай багийн хамгийн залуу тамирчин юм. Эмэгтэйчүүдийн 48 кг-ын жинд залуу тамирчин Б.Жанаргүль хүрэл медалийн төлөө Япон улсын тамирчинтай тулалдаж хожигдсоноор тэмцээнээ өндөрлүүллээ.
Харин эрэгтэйчүүдийн 51 кг-ын жинд ОУХМ Хархүүгийн Энхмандах БНСУ-ын тамирчныг хүрэл медалийн төлөө ялсан бол 57 кг-ын жинд Гантөмөрийн Лундаа Тайваний тамирчин Чен Вей Лийг, 60 кг-ын жинд Баярхүүгийн Буяндалай Ираны тамирчныг тус тус ялж, хүрэл медалийн болзол биелүүлээд байна. Ази тивийн аваргын алт, мөнгө, хүрэл медальт ОУХМ Баатарсүхийн Чинзориг Палестины тамирчинтай хүрэл медалийн төлөө тулалдах байсан ч өрсөлдөгч тамирчин тулалдах боломжгүй болж, Б.Чинзориг медалийн болзол биелүүлээд байгаа юм. Ингэснээр манай тамирчид цаашид медалийн өнгөө хувиргах тулаанд оролцох юм.
°C