Баянзүрх дүүргийн Прокурорын газрын хяналтын прокуророос Эрүүгийн хуулийн тусгай ангийн 13.14 дүгээр зүйлийн 1 дэх хэсэгт заасан хүний нэр төр, алдар хүндэд халдсан, илт худал мэдээллийг олон нийтэд тараасан гэмт хэрэгт холбогдуулан Цэнхэр үст Цэрэн буюу Э.Цэрэндолгорт яллах дүгнэлт үйлдэж ирүүлжээ.
Энэхүү эрүүгийн хэргийг Баянзүрх дүүргийн эрүүгийн хэргийн анхан шатны шүүх 2022 оны 10 дугаар сарын 20-21-ний өдрүүдэд шүүх хуралдаанаар хянан хэлэлцэж шүүгдэгч Э.Цэрэндолгорыг гэм буруутайд тооцож, 3 сарын хугацаагаар зорчих эрхийг хязгаарлах ялаар шийтгэжээ.
Ингэснээр Улаанбаатар хотын нутаг дэвсгэрээс өөр газар явахыг хориглох, мөн тухайн газраас өөр газарт зорчихдоо эрх бүхий байгууллагын зөвшөөрөл авах үүргийг тус тус хүлээлгэж, зан үйлээ засах үүрэг хүлээлгэх албадлагын арга хэмжээ авч шийдвэрлэжээ.
°C