Спортын хамгийн том тэмцээн болох Хөлбөмбөгийн ДАШТ Катар улсад өчигдөр шөнө нээлтээ хийлээ. Энэ удаагийн тэмцээн Арабын ертөнцөд анх удаа болж байгаагаараа, мөн өвлийн улиралд зохион байгуулагдаж байгаа зэрэг олон онцлогтой болж байна. Түүнчлэн ДАШТ-ий түүхэнд байгаагүй их мөнгө зарцуулсанаараа дэлхий нийтийн анхаарлыг татаж байгаа.
Түүнээс гадна дэлхий нийтийн анхаарлыг татаад байсан нэг зүйл бол зохион байгуулагч орон нээлтийн тоглолтод хожигдож байгаагүй түүхэн статистик давтагдах уу гэдэг асуулт байлаа. Тэгвэл ДАШТ-ий нээлтийн тоглолтод Эквадор Катарын шигшээг 2:0-ээр буулган авлаа. Эквадорын довтлогч Эннер Валенсиа хоёр гоол оруулсан юм. Энэ нь ДАШТ-ийн 92 жилийн түүхэнд нээлтийн тоглолтод тэмцээнийг зохион байгуулагч орон хожигдсон анхны тохиолдол болж байна.
Харин хөгжөөн дэмжиж байсан Катарчуудын тоглолтын хоёрдугаар үед цэнгэлдэх хүрээлэнг орхиж гарсан нь дэлхий нийтийн шүүмжлэлд өртөөд байна.
°C