Катар-2022 хөлбөмбөгийн дэлхийн аварга шалгаруулах тэмцээний хэсгийн хоёр дахь тоглолтууд эдгээр өдрүүдэд болж байна. Хэсгийн эхний тоглолтондоо ялагдал хүлээгээд байсан Германы шигшээ баг өнгөрсөн шөнө хүчирхэг өрсөлдөгч болох Испанийн шигшээ багтай тоглож 1:1 харьцаагаар тэнцлээ. Ингэснээр тэд хэдийгээр хэсгийн сүүлийн байрт бичигдэж байгаа ч хэсгээс гарах боломжоо хадгалж үлдлээ.
Энэ хэсгийн нөгөө талд тэмцээний түрүүлэх багуудын тоонд зүй ёсоор бичигдэж байсан хүчирхэг Германы багийг буулган авч шуугиан тарьсан Японы шигшээ баг Коста Рикад 0:1-ийн харьцаагаар хожигдож хэсгийн сүүлийн тоглолтондоо хүчирхэг Испанийн шигшээ багийг зайлшгүй хожих даалгавартай боллоо.
Тэмцээний үхлийн хэсэг гэж хөлбөмбөг сонирхогчид болон шинжээчид дүгнэж байгаа уг хэсгийн хувь заяа гуравдугаар тойрогт шийдэгдэх нь ийнхүү тодорхой боллоо. Хэсгийг Испани дөрвөн оноотой тэргүүлж байгаа бол Япон, Коста Рикагийн шигшээ багууд гурван оноотой хоёр, гуравдугаар байрт бичигдэж байгаа бол Герман нэг оноотой сүүлийн байрт бичигдэж байна.
°C