Ардын багш Н.Ням-Осорын загвар өмсөгч хүргэн А.Чингүүн спортод хөл тавьжээ. Тодруулбал, тэрбээр пауэрлифтинг буюу хүч чадлын спортод нэр алдраа түгээж явна. Хамгийн сүүлд болсон Дэлхийн цомын аварга шалгаруулах тэмцээнээс Гараар татах хүчний төрлөөр алтан медаль хүртээд иржээ.
Киргизстан улсын Бишкек хотод гараар штанг таталтын Дэлхийн цомын аварга шалгаруулах тэмцээн арваннэгдүгээр сарын 25-27-ны өдрүүдэд болсон юм. Тэмцээнд эх орноо төлөөлөн өрсөлдсөн А.Чингүүн 75.5 кг-ыг гараар татсанаар алтан медаль хүртэж, төрийн дууллаа ийнхүү эгшиглүүлэв. Энэ төрлөөр анх удаа Монгол хүн Дэлхийн цомын аварга болж байгаа явдал аж.
Түүний хувьд 2022 онд энэ төрөлд Монгол Улсын аварга болж, хүнд жингийнхээ рекордыг эзэмшигч болж чадсан байна.
°C