Улаанбаатар хотын авто замын түгжрэлийг бууруулах үндэсний хорооны дарга Ж.Сүхбаатар өнөөдрөөс /2022.12.05/ эхлэн Энхтайваны өргөн чөлөөний замын нэгдүгээр эгнээгээр нийтийн тээврийн автобус явуулах журмын хэрэгжилтэд онцгой анхаарах үүргийг цагдаагийн байгууллагад өгсөн. Энэ дагуу өнөөдрөөс зам дээр цагдаагийн 500 албан хаагч үүрэг гүйцэтгэж эхэллээ. Цагдаагийн 100 гаруй алба хаагч өдөр тутам хөдөлгөөн зохицуулдаг байсан бол сайдын үүргийн дагуу 400 гаруй албан хаагчийг нэмж, 200 гаруй хяналтын цэгт ажиллуулж эхлэв.
Нэгдүгээр эгнээг чөлөөлөх ажлын хүрээнд тус газраас өнөөдрөөс "Зорчигчиддоо хүлээгдэлгүй шуурхай үйлчилцгээе" аяныг эхлүүлж, зарим аж ахуйн нэгжүүд нийгмийн хариуцлагын хүрээнд карт уншигч төхөөрөмжгүй тээврийн хэрэгслүүдийг дайчлан үйлчилгээнд ажиллуулж байна.
Мөн шугам замд Автотээврийн хяналтын улсын 16 байцаагч, 144 шалгагч нар хяналт тавин ажиллана. Түүнчлэн 22 сургуулийн 22 чиглэлд 22 тээврийн хэрэгсэл ажиллана. Нэгдүгээр эгнээгээр
Нийтийн тээврийн үйлчилгээний автобус, троллейбус
Тусгай дуут болон гэрэл дохио бүхий шуурхай албаны автомашин
Нийтийн тээврийн газраас олгосон зөвшөөрөлтэй стандартын суудлын такси
“Хүүхдийн автобус”, Монголын хөгжлийн бэрхшээлтэй иргэдийн эрхийг хамгаалах төвөөс олгогдсон “Тулгуур эрхтний бэрхшээлтэй хүн” таних тэмдэг бүхий тээврийн хэрэгслийг зорчуулах юм.
Нийтийн тээврийн үйлчилгээний 105 чиглэлд 19 аж ахуйн нэгжийн 977 тээврийн хэрэгсэл үйлчилгээнд ажиллах бөгөөд нэгдүгээр эгнээг чөлөөлж байгаатай холбоотой,
Нийтийн тээврийн үйлчилгээнд түлшээр ажилладаг 826 тээврийн хэрэгсэл нэг өдөрт 134 тн түлш зарцуулж байна. Одоогийн байдлаар түлшний хомсдлоос шалтгаалж үйлчилгээ доголдсон аж ахуйн нэгж байхгүй байна.
°C