Улаанбаатар хотод цас орсны дараа авто зам болон явган хүний зам дээр халтиргаа гулгаа үүсэж, иргэд зорчиход хүндрэлтэй болдог. Жил бүр уг асуудлыг шийдвэрлэхээр нийслэлээс давс, бодис цацах ажлыг хийдэг ч энэ жил уг ажил хангалтгүй байгааг иргэд шүүмжилсээр байгаа. Үүнтэй холбогдуулан давс, бодис цацах ажлыг хангалтгүй зохион байгуулсан, давсны тендерийг хугацаанд зохион байгуулаагүй хэмээн Улаанбаатар хотын Ерөнхий менежер Д.Ганболдыг үүрэгт ажлаас нь чөлөөлсөн билээ.
Тэгвэл Улаанбаатар хотын явган хүний зам дээр 2022 оны 12 дугаар сарын 28 өдрийн байдлаар 1290 орчим хүн унаж, бэртэн ГССҮТ-д хандсан байна. Тодруулбал, энэ хугацаанд Гэмтэл согог судлалын үндэсний төв эмнэлэгт 7800 орчим хүн ирж үйлчлүүлжээ. Эдгээр иргэдийн 1290 орчим нь явганаар Улаанбаатар хотын замаар зорчиж байгаад унаж гэмтсэн иргэд эзэлж байна. Иргэдийн хувьд явган хүний зам дээр халтирч унахдаа гар, хөлөө хугалах, эгэм, ууц нурууны ясаа гэмтээх зэргээр хүнд болон хөнгөн бэртэл авч буй тухай эмч анхааруулж байна.
°C