Цагдаагийн байгууллагаас бод мал бүлэглэн хулгайлж, иргэдэд 1.2 тэрбум орчим төгрөгийн хохирол учруулсан хэргийг илрүүлжээ. Тодруулбал, иргэн "Л" нь 2019 оноос хойш Архангай, Булган, Төв аймгийн нутгаас 40 удаагийн үйлдлээр үхэр, адуу зэрэг 465 тооны бод малыг хулгайлж, нядалсан хэргийг шалгаж байгаа аж. Мөрдөн шалгах ажиллагааны явцад иргэн "Г" нь бусадтай бүлэглэн "Эмээлт" зах, "Дэнжийн 1000" зэрэг худалдааны төвд ажилладаг ченж нарт мал, махаа худалдан борлуулдаг байсан нь тогтоогдсон байна. Тус хэргийг Архангай, Булган, Төв аймгийн цагдаагийн газарт үргэлжлүүлэн шалгаж байгаа талаар Цагдаагийн Ерөнхий Газраас мэдээллээ.
°C