Өнөөдөр өглөөнөөс эхлэн хүүхдийн мөнгө дансанд орж эхэлсэн. Үүнтэй холбогдуулан Засгийн газраас мэдээлэл хийж, Сангийн сайд Б.Жавхлан тайлбар өглөө. Тэрбээр "Одоогийн байдлаар 1 095 352 хүүхдийн мөнгөний гүйлгээ эхэлж, дансанд нь орж байна. Нийт хүүхдийн 87 хувийн дансанд өнөөдөр мөнгө орно. Үлдсэн 43 820 хүүхдийн мэдээллийн давхардал, зөрүүтэй байдалд ажиллаж байна" гэлээ.
Одоогоор иргэдийн мэдээллийг засаж залруулах шуурхай баг ажиллаж байгаа бөгөөд 2023.01.18-ны байдлаар И-Монгол системээр 52 319 хүсэлт ирсэн бол 19 906 иргэн өөрийн биеэр, утсаар 19 263 иргэн холбогдох байгууллагад ханджээ. Өчигдөр 11 388 иргэний мэдээллийг засварлаж, өнөөдөр Хүүхдийн мөнгөн тэтгэмжийг шилжүүлж байгаа аж.
Засгийн газраас 14 хоногт багтаан иргэдийн зөрүүтэй мэдээллийг засварлаж дуусна хэмээн мэдэгдсэн. Улмаар мэдээлэл засагдаж дууссаны дараа хүүхдийн мөнгийг нөхөж олгохоор болсон юм.
°C