ОБЕГ-ын дэд дарга, бригадын генерал Б.Ууганбаяраар ахлуулсан Монгол Улсын баг гамшгийн голомт болох Хатая хотод Анкарагийн цагаар 17:00-т хүрэлцэн очиж очсон даруйдаа нурсан барилгад эрэн хайх, аврах ажиллагааг зохион байгуулжээ. Ажиллагааны хүрээнд одоогоор хоёр болон 15 настай хоёр хүүхэд, нэг том хүн нийт гурван хүнийг эсэн мэнд олж, анхан шатны тусламж үзүүлэн, эмнэлгийн байгууллагад хүлээлгэн өгсөн байна.
Тодруулбал орон нутгийн цагаар:
20:10 цагт хоёр настай нэг хүүхэд,
21:20 цагт нэг эмэгтэй
22:33 цагт 15 настай хүүг тус тус орон сууцны нурангиас эсэн мэнд гаргажээ.
Үүрэг гүйцэтгэж байгаа багийн 11 нь Зэвсэгт хүчний алба хаагчид бөгөөд тус багийг Зэвсэгт хүчний 350 дугаар ангийн захирагч, хурандаа Ж.Сүх-Очир ахалж байна. Харин эмнэлгийн талаас Цэргийн төв эмнэлгийн Аврахуйн Анагаах ухаан эрхэлсэн орлогч дарга, дэд хурандаа Л.Лувсандорж удирдаж байгаа юм.
°C