Өнөөдөр ДЭЛХИЙН ТАМХИГҮЙ ӨДӨР

Дэлхийн тамхигүй өдрийг жил бүрийн 5 сарын 31-нд тэмдэглэдэг. Энэ жил Дэлхийн эрүүл мэндийн байгууллага “ТАМХИ БИШ ХҮНСЭЭ УРГУУЛЬЯ” сэдвийн дор тэмдэглэж байна.

Өнгөрсөн жил хүрээлэн байгаа орчноо хамгаалах тал дээр анхаарч тэмдэглэж байхдаа өөрсдийн гаргасан байгаль орчны стандартыг тайлагнах замаар бүтээгдэхүүнээ ногооноор угаах, байгаль орчинд үзүүлэх хор хөнөөлийг бууруулах гэсэн тамхины салбарын  оролдлогод автахгүй байхыг сануулж байлаа.

• Тамхи тариалалтад зориулж  жил бүр 200 000 га талбайг сүйтгэн 600 сая модыг тайрч, 22 тэрбум литр ус зарцуулж байгаа нь хүн амын, эмзэг бүлгийн хүн амын ундны усны нөөцийг барагдуулж байна.
• 84 сая тонн нүүрсхүчлийн давхар исэл ялгаруулж агаар мандлыг бохирдуулдаг.
• 4.5 их наяд тамхины иш хог болон үлдэж газрын хөрсөнд 10 жил задралгүй үлдэж 7000 гаруй хорт бодис газрын хөрсөнд шингэдэг.

Тамхи нь татагчаа хордуулаад зогсохгүй мөн тариалагч, үйлдвэрлэгчээ ч хордуулж байдаг хөнөөлтэй ургамал юм. Тамхи, тамхины хог хаягдал бүр бидний оршин тогтнох нөөцийг барагдуулж 3 төрлийн хүлэмжийн хий ялгаруулж агаарыг бохирдуулж байна.