Нийслэлийн Засаг даргын 2023 оны 03 дугаар сарын 16-ны өдрийн А/242 дугаар захирамжаар Хан-Уул дүүргийн Засаг даргын Тамгын газар, Хотын стандарт, хяналтын газартай хамтран дүүргийн хэмжээнд иргэдийн эрүүл, аюулгүй, ая тухтай орчныг бүрдүүлэхэд хууль, норм, дүрэм, батлагдсан хотын стандартын хэрэгжилтийг эрчимтэй танилцуулах, мөрдүүлэх, хэрэгжилтэд хяналт тавих таван дэд ажлын хэсэг байгуулж, нэгдсэн уулзалт /2023.04.13/ зохион байгууллаа.
Хотын стандартын хэрэгжилтийг эрчимжүүлэх нэгдсэн уулзалтаар Нийслэлийг 2021-2025 онд хөгжүүлэх таван жилийн үндсэн чиглэл, Нийслэлийн Засаг дарга бөгөөд Улаанбаатар хотын Захирагчийн 2020-2024 оны үйл ажиллагааны хөтөлбөр болон Төрийн хяналт шалгалтын тухай хуулийн хэрэгжилтийг хангуулж стандарт, норм дүрмийг мөрдүүлэх, арга хэмжээний зохион байгуулалт, үр дүн, үр нөлөөг нэмэгдүүлэх, иргэдийг болзошгүй аюул эрсдэлээс урьдчилан сэргийлэх талаар зөвлөмж, арга зүйг хэрэгжүүлэх тухай санал солилцож, батлагдсан удирдамжийн дагуу таван дэд ажлын хэсэг чиглэл чиглэлийн стандартыг хангуулан хяналт тавьж ажиллана.
Үүнд:
1. Барилга, дэд бүтэц, барилгын түр хашааны ажлын хэсэг
2. Хүнс, худалдаа, үйлчилгээ, аялал жуучлалын ажлын хэсэг
3. Байгаль орчин, агаар, орчны бохирдлын ажлын хэсэг
4. Гадна тохижилт, орчны аюулгүй байдлын ажлын хэсэг
5. Нийтийн эзэмшлийн зам, талбай чөлөөлөх ажлын хэсэг
Үр дүн харъяа баг, хороо, дүүргээ улам илүү өнгөлөг цэгцтэй сайхан болгоцгооё, хотын стандартаа хэрэгжүүлцгээе.
°C