Хан-Уул дүүргийн төрийн болон төрийн бус өмчийн ерөнхий боловсролын сургуулийн сурагчдад шатрын спортыг сурталчлах, шатрын спортоор хичээллэх сонирхлыг нэмэгдүүлэх, мэдлэг, ур чадварыг дээшлүүлэх зорилгоор Хан-Уул дүүргийн Засаг даргын нэрэмжит өсвөрийн шатарчдын аварга шалгаруулах “Их нүүдэл-2023” тэмцээнийг ерөнхий боловсролын 15 дугаар сургууль дээр зохион байгууллаа.
Тус тэмцээнд төрийн болон төрийн бус өмчийн 26 сургуулийн 624 сурагч оролцож, оюун ухаанаа сорин өрсөлдсөнөөс 1-12 дугаар ангийн 72 сурагч шилдгээр шалгарч, Батламж, алт, мөнгө, хүрэл медалиар шагнагдлаа.
Багийн нэгдсэн дүнгээр:
Шилдэг багшаар 7 дугаар сургуулийн багш Ц.Адъяажаргал, 115 дугаар сургуулийн багш Н.Гансүх, Б.Түвшинбаатар, “Шинэ-Өнөөдөр” сургуулийн багш Б.Өлзийсайхан нар шалгарлаа.
Тэмцээнийг Монголын Шатрын холбооны шүүгчид олон улсын шатрын холбооны дүрмээр шүүн явуулж, дүүргийн аварга шалгаруулах тэмцээний I, II байранд шалгарсан “Орхон ХаСү”, 15 дугаар сургууль 2023 оны 10 дугаар сарын 28-ны өдөр зохион байгуулагдах Нийслэлийн шигшээ тэмцээнд оролцох эрх авлаа.
ТЭМЦЭЭНД ИДЭВХТЭЙ ОРОЛЦСОН БАГШ, СУРАГЧДАДАА АМЖИЛТ ХҮСЬЕ.
°C