Сөрөг хүлээлтүүд технологийн бусад компаниудын хувьцаанд мөн нөлөөлж байна
АНУ-ын хөрөнгийн биржүүдэд бүртгэлтэй томоохон компаниуд энэ долоо хоногт санхүүгийн тайлангаа танилцуулж байна. “Facebook”-ийн толгой компани “Meta” тайлангаа танилцуулсны дараа хувьцаа нь огцом буурлаа. Тус компанийн борлуулалт улирлын дүнгээр тооцоолсноос тааруу гарснаар хувьцаа нь 19 хувиар буурав.
“Meta”-ийн хувьд хиймэл оюуныг үйл ажиллагаандаа ашиглах хэдий ч одоогоор энэ технологийн үр өгөөжийг хамгийн их хүртэх компани биш гэж харагдаж байна хэмээн “Cresset Wealth Advisors”-ийн Хөрөнгө оруулалт хариуцсан захирал Жак Аблин дүгнэсэн.
Энэ мэт сөрөг хүлээлтүүд нь хиймэл оюуны тооцооллын чиглэлд хийгдсэн зарцуулалтаас хамгийн их өгөөж хүртсэн “Nvidia”-ийн хувьцаанд хүртэл нөлөөлсөн. Тус компанийн хувьцаа сүүлд 2 хувиар унаад байгаа юм. Бусад чип үйлдвэрлэгчид болох “Micron Technology”, “Advanced Micro Devices” компаниудын хувьцаа мөн унажээ.
°C