Норвегийн хаан Хокон VIII тус улсын парламентад /Стортинг/ тангараг өргөлөө. Тангараг өргөх ёслолд оролцогчид таалал төгссөн Харальд V хааны дурсгалыг хүндэтгэн нэг минут дуугүй зогссон тухай телевизийн NRK суваг мэдээлснийг Kazinform агентлаг дамжууллаа. “Норвегийн хаант улсыг Үндсэн хууль ба холбогдох хууль тогтоомжуудад нийцүүлэн удирдахаа амлан тангараглаж байна. Хатан хаан болон миний бие улс орон, ард түмнийхээ өмнө хүлээсэн үүргээ биелүүлэхэд бэлэн байгаагаа баталж байна” хэмээн хаан Хокон VIII тангаргийн үгээ хэллээ. Үүний дараа Норвегийн парламентын дарга Масуд Гарахани үг хэлэхдээ, шинэ хаанд ихээхэн итгэл найдвар хүлээлгэж байгаа бөгөөд энэхүү хүлээлтийг биелүүлэхийн тулд хаан хүн онцгой чадвартай байх ёстой” гэв. Үг хэлсний дараа парламентын гишүүд Харальд V хааны дурсгалыг хүндэтгэн нэг минут дуугүй зогсож, хүндэтгэл үзүүлжээ. Мөн тангаргийн ёслолын үеэр Норвегийн төрийн дуулал эгшиглэв. 1991 оноос хойш хаанд ширээнд заларч байсан Норвегийн хаан Харальд V хүнд өвчний улмаас өнгөрсөн сарын 28-нд таалал төгссөн тул түүний хүү 53 настай Хокон VIII эцгийнхээ хаан ширээг залгамжлан ийнхүү тангараг өргөлөө.
°C